Подписаться! Лента новостей Экожизнь

У верасні ў Вялікіх Бярозаўцах пройдзе конны фестываль

Аграсядзібы Гродзенскай вобласці запрашаюць на незвычайнае свята.
0 комментариев
Продолжение темы:

Фестываль пройдзе o аграсядзібах “Бабровая даліна” і “Кентаўр”, што месцяцца ў Шчучынскім раёне

І галоўнай фішкай, безумоўна, стануць коні. Будуць выстаўлены розныя пароды скакуноў, відовішчнымі абяцаюць быць паказальныя выступленні коннікаў. Усе зацікаўленыя атрымаюць кансультацыі па конегадоўлі.

Мерапрыемства запланавана на 7 верасня. Падрыхтоўка да яго ўжо ідзе ва ўсю.

Гаспадары аграсядзіб, што месцяцца ў Вялікіх Бярозаўцах, Алег Сямашка і Людміла Босак аб’ядналі свае намаганні і вырашылі арганізаваць на ўлонні прыроды вясёлае ды цікавае свята, на якое можна прыехаць з сябрамі, а можна завітаць усёй сям’ёй, паведамляе газета "Дзянніца".

– Задумваючы гэты фестываль, мы маем на мэце як папулярызацыю аграсядзіб на тэрыторыі Астрынскага сельсавета, умацаванне іх іміджу, так і ўвогуле прыцягненне турыстычнага патоку ў Шчучынскі раён, – кажа Алег Сямашка. – Такая практыка – праводзіць фестывалі на аграсядзібах – ужо трывала замацавалася ў многіх рэгіёнах Беларусі. Вось паспрабуем і на Астрыншчыне ладзіць актыўны, запамінальны адпачынак – гэткі фэст выхаднога дня.

У планах арганзіаваць не толькі сустрэчы з творчымі калектывамі, якімі так багаты наш край, але і ладзіць анімацыйныя праграмы для дзяцей і дарослых, прыдумаць забавы, запрасіць атракцыёны. У гасцей фестывалю будзе магчымасць набыць сувеніры ў народных майстроў, прадэгуставаць гарбатку з траў, пачаставацца прысмакамі.

Беларускі Зялёны Партал

Фота horsetimes.ru

Ранее по теме:

Комментарии читателей: